Di Tebaxa 2015'an de li bajarokê Heîdenaû yê eyaleta Sachsenê, li dijî koça penaberan xwepêşandanek hatibû lidarxistin û di vê xwepêşandanê de nîjadperestan hem êrîşî polîsan kiribûn, hem jî zerar dabûn wargeheke penaberan a nû dihat çêkirin. Li 3 kesên di van bûyerên nîjadperestiyê de şîdet bi kar anîn, cezayê girtîgehê hat birîn.

Doza li ser mijarê li Dadgeha Îdareyê ya Pîrna pêk hat. Li yek ji êrîşkarên nîjadperest 2 sal 2 meh û li yekî din jî salek û 8 meh cezayê girtina li girtîgehê hat birîn. Têkildarî nîjadperestekî din jî ku di dema bûyeran de 2 salî bû, biryar hat dayîn ku 3 salan di bin kontrolê de bimîne û 1800 cezayê pere bide saziyên xêrê yên cemaweriyê.

Ev bûyera nîjadperestî ya li dijî wargeha penaberan a nû li Heîdenaû dihat çêkirin, di medya navneteweyî de jî cihekî berfireh girtibû. Piştî bûyerê Serokwezîr Angela Merkel çûbû vî bajarokî, lê nîjadperestan heqaret li wê kiribûn.