Komeke çeteyên DAIŞ’ê hewl dan li gundê Çelebiyê yê rojhilatê Kobanê talan bikin ketin kemîna şervanên YPG’ê. Di encamê de pevçûn rû dan û têde 5 çete hatin kuştin û 2 wesayîtên wan jî hatin rûxandin.

Li gorî agahiyên nûçegihana ANHA’yê dane,  komeke çeteyên DAIŞ’ê li ser rêya gundê Çelebiyê yê rojhilatê Kobanê hewl dan derbasî gund bibin û talan bikin, ketin kemîna şervanên YPG’ê.

Di encamê de di navbera şervanan û çeteyan de pevçûn rû dan û têde 5 çete hatin kuştin û 2 wesayîtên çeteyan jî hatin rûxandin. Her wiha çek û cebilxaneya li ser çeteyan jî hate desteserkirin.

Şer û pevçûn di navbera şervanên YPG’ê û çeteyan li eniya rojhilatê Kobanê berdewame.