Li gorî daxuyaniya Heyva Sor a Lîbyayê, ji roja Yekşemê û vir ve li peravên bajarê Trablûsê cesedên 40 koçberan hatine dîtin. Di daxuyaniyê de hatr agihandin roja Înê 8, duh jî cenazeyên 6 koçberan hatine dîtin.

Li gorî daneyên Rêxistina Koçê ya Navneteweyî ya ser bi Neteweyên Yekbûyî (IOM), di nava vê salê de li Derya Spî 4 hezar 220 koçberan jiyana xwe ji dest dane, ku piraniya van li peravên Lîbyayê fetisîne.

Ev hejmar, ji niha ve ji hejmara giştî ya salên 2014 û 2015'an zêdetir e. Di sala 2015'an de 3 hezar 500 kesî jiyana xwe ji dest dabûn.

Li gorî daneyên IOM, hejmara mirovên di sala 2016'an de li Derya Spî jiyana xwe ji dest dan, gihîştiye asta rekorê.