Mamosteyên dildar li Amedê ji bo zarokên Rojavayî dest bi perwerdehiyê kirin. Mala Piştgiriya Perwerdeyê ya Şaredariya Yenîşehîrê ji bo zarokên Rojava dest bi perwerdehiya Kurdî, Erebî, Tirkî û Îngîlîzî kirin.

Mala Piştgiriya Perwerdeyê ya Şaredariya Yenîşehîrê ji bo zarokên Rojava dest bi perwerdeyê kir. Di çarçoveya perwerdeyê de mamosteyên dildar, ji bo zarokên Rojavayî û Şengalê yên ji ber êrîşên çeteyên DAIŞ'ê hatin Amedê bi cih bûn, dest bi perwerdeyê kirin. Şaredariya Yenişehirê destpêkê piştevaniya cil û zexîreyan kir, niha jî ji bo zarokan dest bi xizmeta perwerdeyê kir. Şaredariya Yenîşehîrê nêzi mehek e perwerdeya zimanê Kurdî, Erebî, Tirkî û Îngîlîzî her wiha dersên muzîk û wênesaziyê jî dide zarokan. Hevşaredarên Yenişehirê Selim Kurbanoglu û Ulku Baytaş mala perwerdeyê ziyaret kirin û rewşa zarokan pirsîn. Hevşaredaran di ziyaretê de li zarokan alavên perwerdeyê belav kirin.