Ji bo gerîlayê HPG'ê Muhyettîn Îşlek (Cudî Zorava) û 4 hevalên wî yê di 5 Mijdara 2012'an de li herêma Girê Hermu ya Çiyayê Cudiya Şirnexê di bombebaranê de jiyana xwe ji dest dabûn li Şirnexê mewlud hat dayîn.

Di 5 Mijdara 2012'an de li herêma Girê Hermu ya Çiyayê Cîdiya Şirnexê di bombebarana helîkopteran de gerîlayê HPG'ê yê bi navê Muhyettîn Îşlek (Cudî Zorava) û 4 hevalên jiyana xwe ji dest dabûn. Malbata Îşlek ji bo Îşlek û 4 gerîlayên HPG'ê li Taxa Gundogduya Şirnexê mewlud da. Gelek welatî, Hevserokê BDP'ê yê Şirnexê Bakî Katar, Serokê navçeya navend Uzeyîr Kilinç, rêveberên BDP'ê yên Cizîr, Hezex û Dêrgulê, Cîgirê Serokê BDP'ê Faîk Saltan, rêveberên Şirnexê yên MEYA-DER û KURDÎ-DER'ê tevlî mewludê bûn. Li konê mewlud lê hat dayîn de alên PKK'ê û wêneyên kesên ku jiyana xwe ji destdaye hat daliqandin.

Piştî mewluda bi kurdî hat xwendin ji bo cangoriyên di têkoşîna azadî û demokrasiyê de jiyana xwe ji dest daye rêzdarî hat girtin. Rêzdarî bi dirûşma "şehîd namirin" bi dawî bû.

 Piştî wî Hevserokê BDP'ê yê Şirnexê Bakî Katar û bavê Muhyettîn Îşlek Salîh Îşlek axaftin kirin. Xwişka Muhyettîn jî ji bo Muhyettîn helbest xwend. Mewlud bi dayîna xwarinê bi dawî bû.