Hewldana 78'an tevlî çalakiya nobetê ya li ser sînorê Kobanê bû. Hewldana 78’an a malbatên girtiyên ku di zîndana Amedê de jiyana xwe ji dest dan jî piştgiriyê didinê, wê bi endamên xwe yên ji 22 herêman nobetê bigirin.

Berxwedana mezin a li hember çeteyên DAIŞ ku dikeve roja 65'an, endamên Hewldana 78’an hatin sînor û tevlî çalakiya nobetê bûn. Endamên Hewldana 78’an ên hatin gundê Mehser ê nobet lê tê girtin, li vir “Konê piştevaniya bi Kobanê re” vekirin” û daxuyaniyek dan.  Hewldanê li hin deverên gund ku pankartên li ser wêneyên kadroyên pêşeng ên PKK’ê û şoreşgerên Tirkiyeyî hene daliqandin, dirûşmên, “Şehîd namirin" û "Bijî berxwedana Kobanê " gotin.

Endamê Desteya Rêveber a Tirkiyeyê ya Hewldana 78'an Vahît Akgun, got, "Em wek hewdana 78’an li tevayî Tirkiyeyê bi endamên xwe yên ji 22 herêman, di organîzasyonên ji bo piştgiriya Kobanê bi şev û roj di nav de cih bigirin û nobetê bigirin.”