Li gorî metna nû ya peymanê, qedexeyên beriya niha li dijî cezakirina gerîla bi cezayê girtîgehê û xebitandina wan li karên cemaweriyê, tên rakirin. Di metna nû de tê gotin, gerîlayê sûcek kiribe wê li cihekî bejahî ji 5 heta 8 salan di binê çavan de bê girtin.

Di peymana aştiyê de hin nuqteyên teknîkî jî hatin guhertin û rewşa xwediyên mal û milkan ji nû ve hat destnîşankirin.

Ev metna nû ya peymana aştiyê, nayê zanîn bê ji aliyê Serokdewletê berê Alvaro Ûrîbe ku di 2'ê Cotmehê de kampanya 'na' meşand û dijberên din ve bê qebûlkirin an na.

Hêjayî gotinê ye, peymana aştiyê ku ji aliyê lîderê FARC'ê Tîmoleon Jîmenez û Serokdewlet Jûan Manûel Santos ve bi merasîmeke girseyî roja 26'ê Îlonê hate îmzekirin, di referandûma 2'ê Cotmehê de ku rêjeya tevlîbûnê kêm bû, bi rêjeyeke kêm a dengan hatibû redkirin.

Pêkane ev peymana nû, li şûna pêşkêşkirina refearndûm, yekser di Kongreyê re bê derbaskirin.