Rayedarên Deriyê Sînorê Dirbêsiyê diyar kirin ku di meha Cotmehê de zêdetir ji 18 hezar û 500 koçber vegeriyane Rojava.

Têkildarî vegera koçberên Rojavayê Kurdistanê Berpirsiyarê Deriyê Sînor ê Dirbêsiyê Mihemed Elî Sadiq ji ANHA’yê axivî. Sadiq destnîşan kir ku di meha Cotmehê de zêdeyî 18 hezar 500 kesên ji Rojava koçber bibûn Bakurê Kurdistanê û Tirkiyê vegeriyan malên xwe. Sadiq da zanîn ku ew navê koçberên vedigerin qeyd dikin.

Koçberên ku vedigeriyan malên xwe jî destnîşan kirin ku rewşa wan a jiyanî di kampan de ne baş bû û ew bi zehmetiyê re rû bi rû bûn. Koçberan dan zanîn ku ew rastî astengiyên rayedarên Tirkiyê dihatin û her dem zext û zor li wan dihate kirin.