Lihevkirin çêbû ku li şûna Sekreterê Giştî yê Neteweyên Yekbûyî (NY) Ban Kî-moon ku wê di destpêka sala 2017’an wezîfeya wî bi dawî bibe, Serokwezîrê berê yê Portekîzê Antonîo Gûterres were ser wezîfeyê.
Di dengdayina Konseya Ewlehiyê ya Neteweyên Yekbûyî de li gel endamên daîmî yên konseyê, gelek welatan namzetiya Antonîo Gûterres pejirandin. Hema hema teqez bûye ku Gûterres ku wê sibehê namzetbûyina wî bi awayekî fermî bê pêjirandin, di hefteya pêş de li Desteya Giştî ya Neteweyên Yekbûyî bê hilbijartin.
Wek namzetê herî xurt ê li hemberî Gûterres ku di heman demê de Komîsertiya Bilind a Penaberan a Neteweyên Yekbûyî dike, Wezîrê Karên Derve yê Sirbîstanê Vûk Jeremîc û hemkarê wî yê Slovakî Mîroslav Lajcak dihate nîşandan. Hin welatan jî dixwestin ku mîna ji Cîgirên Serokê Komîsyona YE Krîstalîna Geofgîewa, namzeteke jin bê hilbijartin.
