Lîderê Tevgera Neteweyî ya Şîe Muqteda Sedir bi daxuyaniyekê veqetîna ‘Seraya Selam’ ji tevgerê û tevlîbûna endamên wê ya li nav dewlet û berpirsê giştî yê pêkhateyên leşkerî ragihand.

Muqteda Sedir diyar kir ku ev biryar ji bo berjewendiya giştî ya nîştiman û li gorî metirsiyên ku rû bi rûyê welat bûne, hatiye dayîn.

Baskên sivîl ên ser bi ‘Seraya Selam’ ve ji bo projeya ‘El-Bunyan El-Mersûs’ tên veguhestin û dê bêyî tu baregeh, çek, cilên fermî, sernav an tiştekî din bin.

Muqteda Sedir ji bo hemû cîhadên wan ên mezin û biçûk spasiya ‘pêkhateyên leşkerî yên Seraya Selam’ kir û ji bo her kesekî ku bi giştî li gel bîr û baweriyên wan ên dînî û civakî neguncawe daxwaza lêborînê kir.

Her wiha destnîşan kir ku ew hêvîdare hemû pêkhateyên Heşdî Şeebî ji ‘fermana hizbî û tayifî’ veqetin, bi taybetî piştî ku ‘yekeyên wan’ çekên xwe radestî dewletê bikin, ku çend sal berê ji wan re pêşniyar hatibû kirin.