Piştî ku ji nû ve pevçûnên di navbera Tehran û Washingtonê destpê kirin, serokê dezgeha ewlehiya bilind a Îranê hişyariyek da.

Serokê Konseya Bilind a Ewlekariya Neteweyî Mihemed Baxêr Zulqadr di daxuyaniya ku da televîzyona dewletê de got, "Em ê bersivê bidin êrîşên li ser binesaziya me û hemê êrîşan. rejîma Siyonîst a sûcdar (...) wê ji niha û pê ve miaf neyê girtin."

RÊBERÊ OLÎ HAT VEŞARTIN

Li gorî televîzyona dewletê, rêberê olî yê Îranê Elî Xameneyî yê ku di êrîşa DYE-Îsraîlê de hat qetilkirin, çend roj piştî pevçûnên nû yên di navbera DYE û Îranê de danê sibê ya roja Înê li Meşhedê hat veşartin.

Di dîmenên ku ji hêla televîzyona dewletê ve hatin weşandin de kurê wî û şûngirê wî Mucteba Xameneyî di merasîmê de xuya nedikir. Di dîmenan de hat dîtin ku darbesta Elî Xameneyî ber bi Turbeya Îmam Riza ya ku cihê herî pîroz ê Îslama Şîe ya Îranê ye ve birin.

L turbeya ku li bakur û rojhilatê Meşhedê ye, girseyeke mezin di bin tava germ de meşiya.

Merasîm dema ku ji nû ve pevçûnên di navbera DYE û Îranê destpê kirin de hat lidarxistin.

Ev pevçûn ji dema protokola lihevkirina agirbesta ku di meha Nîsanê de hat teyîdkirin û 17ê Hezîranê de hat îmzekirin ve ya herî dijwar e.