Pêvajoya propagandayê ya ku 3'ê Cotmehê ji bo hilbijartinên parlamentê yên Iraqê destpê kir, bi dawî dibe.

Komîsyona Hilbijartinê ya Bilind a Serbixwe ya Iraqê diyar kir ku pêvajoya propagandaya hilbijartinê ya 11'ê Mijdarê 8'ê Mijdarê saet di 07:00 de bi dawî dibe.

Li gorî bernameya komîsyonê, piştî wê di 9’ê Mijdarê de jî dengdana taybet destpê dike. Li gorî daneyên komîsyonê, di dengdana taybet de wê milyonek û 313 hezar û 980 kes ji hêzên ewlekarî yên Iraq û Herêma Kurdistanê dengê xwe bi kar bînin.

Ji bo dengdana giştî jî, bi giştî mafê dengdanê yê 20 milyon û 63 hezar û 773 kes heye ku dengê xwe bi kar bînin.