QSD’ê bi daxuyaniyekê ragihand ku Tîma Operasyonên Leşkerî (TOL) ya wan, bi hevkariya Koalîsyona Navneteweyî, operasyoneke serketî li gundewarên Dêrazorê pêk anî ku di encamê de serçeteyekî DAÎŞ`ê yê bi navê "Ebû Zubêr/Semak" û 2 çeteyên şaneya wî hatin girtin.

Di daxuyaniyekê QSD’ê de hat gotin: "Ev operasyon piştî şopandina bi baldarî ya tevgerên komê pêk hat, ku derket holê ev kom yek ji torên herî xeternak ên DAÎŞ`ê ye û berpirsiyarê piraniya êrîşên terorîst yên di hemên de li dijî hêzên me hatine pêkanîn."

Daxuyaniyê wiha dewam kir: "Delîlên ku ji terorîst û şaneya wî hatine desteserkirin, di nav de telefon û vîdyo, nîşan dan ku ew rasterast tev li plansazkirin, pêkanîna û çavdêriya êrîşan bûne.

Lêkolînan her wiha îspat kir ku serçeteyê DAÎŞ’ê operasyonên qaçaxçîtiyê û têkiliya di navbera şaneyên DAIŞ`ê yên li herêmê û li kampa Holê de bi rê ve dibirin. Wî her wiha zarokên malbatên DAIŞ’ê (Eşbal El Xilafa) bi rêxistin û perwerde dikirin.

Daxuyaniyê wiha lê zêde kir: "Daneyan nîşan da ku şaneyê piştgiriya derve wergirtiye, ku armanc ew bû şaneyên rêxistinê ji nû ve çalak bike, ewlehiyê têk bibe û êrîşan dijwartir bike.”

Di dawiyê de QSD’ê piştrast kir ku vê operasyonê derbeyek giran li binesaziya DAÎŞ`ê ya li Dêrazorê xistiye.