Çeteyên dewleta Tirk a dagirker hewl da li gundekî Eyn Îsayê bi pêş ve werin, lê şervanên QSDˊê hewldana wan têk bir. Pevçûn nêzî 20 kîlometreyan dûrî navenda Reqayê dewam dike, li navenda bajêr jî operasyonên li dijî şaneyên DAÎŞ’ê didomin.
Li gorî agahiyên hatine wergirtin, çeteyên dewleta Tirk a dagirker hewl da li gundê Seyda yê bajarê Eyn Îsayê yê kantona Firatê bi pêş ve werin. Hat diyarkirin ku şervanên QSDˊê li çeteyan da, çete revîn.
Li aliyê din hate hînbûn ku pevçûnên di navbera QSD-YPJˊê û çeteyên hikumeta demkî de li gundewarê bajarê Reqayê dewam dikin. Pevçûn nêzî 20 kîlometreyan ji bajêr ve dûr in.
QSDˊê û YPJˊê hewldanên şaneyên DAIŞˊê yên li nava bajêr têk birin, niha jî operasyonên paqijkirina Reqayê û serdegirtina şaneyan didomin.
