Bloka Niştimanî ya Sûriyeyê piştgiriya xwe ji xwepêşandanên aştiyane yên li bajarên Sûriyeyê re ragihand. Blokê bang kir ku ev xwepêşandan ji çarçoveya niştimanî ya giştî dernekevin û ji bo fîtne û dabeşbûna taîfî neyên bikaranîn.
Bloka Niştimanî ya Sûriyeyê bi daxuyaniyekê piştgiriya xwe ji xwepêşandanên aştiyane re, yên ku li Laziqiyê, Ceblê, Tertûs, Hums û gundewarê Hemayê derketine, ragihand.
Di daxuyaniyê de hat gotin ku xwepêşandan berhema binpêkirin û sûcên li dijî sivîlan û paşguhkirina hêzên ewlekariyê bûn.
Di daxuyaniyê de bang li hemû hêzên niştimanî yên siyasî, civakî û sivîl hat kirin ku xwedî li berpirsiyariya xwe derkevin ku xwepêşandanan ji çarçoveya aştiyaneyî û niştimanî dernekevin û nebin, pêşî li veguhartina daxwazan bigirin û nehêlin xwepêşandan bibin sedema dabeşbûna taîfî û mezhebî.
Di berdewama daxuyaniyê de hat diyarkirin ku ev xwepêşandan ji bo teqezkirina nirxên welatîbûn û edaletê û redkirina taîfîperestiyê, derfet in.
Di dawiya daxuyaniyê de soza domandina xebatê bi hemû hêzên dilsoz re ji bo ku xwepêşandan dengê tevahî Sûriyeyî bimînin û ji armancên xwe dûr nekevin, hat dayîn.
