4 ciwanên vegeriyan Efrînê hatin binçavkirin
Koma sêyemîn a Efrîniyan ku doh vegeriya warê xwe bi hewldanên provokasyonê rast hat û 4 ciwan hatin binçavkirin.
Li gorî nûçeya ANHA'yê Hêzên Ewlekariya Giştî yên hikumeta demkî 4 ciwan girtin, paşê yek ji wan berda, lê yên din hîn girtî ne.
Li gorî agahiyan komeke endamên Hêzên Ewlekariya Giştî ya hikumeta demkî derbasî hundirê wesayitên koçberan bûye û li telefonên wan mêze kirine û nasnameyên wan birine.
Her wiha koçberên vegeriyane û yên ku pêşwaziya koma sêyemîn a koçberan jî kiriye, rastî gelek hewldanên provokasyonê hatine.
