Tê payîn li ser banga Platforma Piştgiriya bi Taksîmê re îro danê êvarê bi dehhezaran kes li Parka Gezî li hev kom bibin. Lê belê Waliyê Stenbolê Mûtlû daxuyaniyek da û ev kombûn "qedexe" kir.

Platforma Piştgiriya bi Taksîmê re dabû xuyakirin ku ewê îro saet di 19.00'an de bi armanca şermezarkirina dijwariya polîsan û bîranîna kesên di berxwedana Gezî de jiyana xwe ji dest dane, li Parka Geziyê li hev kom bibin.

Waliyê Stenbolê Huseyîn Avnî Mûtlû beriya çalakiyê daxuyaniyek da û got, "Kombûna li Taksîmê ne huqûqî ye, em nikarin destûra vê yekê bidin."

Mûtlû daxuyaniyek da rojnamevanan û got, "Ji Walîtiyê daxwaza destûrê nehatiye kirin. Li cihekî ku min destûra wê nedaye, ezê rê nedim kombûn çê bibe. Emê destûrê nedin vê kombûnê."