Li Tirkiyeyê pêvajoya hilbijartina herêmî ya di 31’ê Adarê de hate destpêkirin. Li gorî bernameya Desteya Hilbijartinê ya Bilind di 2’ê Çileyê de partiyên ku dikarin tevlî hilbijartinê bibin ew ê werin eşkerekirin.
Partiyên ku dikarin tevlî hilbijartina herêmî bibin ew ê di 2’ê Çileyê de werin eşkerekirin. Lîsteyên li keyatiyan jî ew ê ji 4’ê Çileyê saet ji 08.00’an heta 17’ê Çileyê saet 17.00’an li buroyên keyatiyan be.
Di pûsûlaya dengan de cihê partiyên siyasî ew ê di 27’ê Çileyê de bi pişkê were diyarkirin. Partiyên siyasî ew ê lîsteyên xwe yên namzetiyê di 19’ê Sibatê de teslîmî desteya hilbijartinê bikin. Li gorî vêya lîsteya namzetên demborî wê di 22’ê Sibatê de ew ê lîsteyên namzetan ên teqez jî ew ê di 3’ê Adarê de were diyarkirin.
Li gorî Desteya Hilbijartinê ya Bilind propagandaya hilbijartin û qedexeyan ew ê di 21’ê Adarê de were destpêkirin û di 30’ê Adarê saet di 18.00’an de bi dawî bibe.
Hilbijartin ew ê di 31’ê Adara 2019’an roja Yekşemê werin kirin. Qedexeyên hilbijartinê ew ê di heman rojê de saet di 24.00’an de bi dawî bibe.
