Parlamentoya Iraqê îro li ser rojeva referandûmê Başûrê Kurdistanê li hev civiya. Parlamentoyê rayeya ‘leşker şandina ji bo Kerkûkê û herêmên bi nîqaş’ da Serokwezîrê Iraqê Heyder Ebadî.

Hat diyarkirin ku Parlamentoyê ji bo parastina xaka Iraqê raye daye. Parlementerên Kurd beşdarî vê rûniştinê nebûn û hat gotin ku ‘Divê hikumet qadên petrolê yên Kerkûkê dîsa têxe bin kontrola Wezareta Petrolê.”

Serokê Fermandariya Giştî yê Iraqê û serokê daîreya îstîxbaratê jî beşdarî rûniştina îro bûn a ku ji bo rojeva referandûmê li hev civiyabûn.