Polîsên ku dorpêça xwe ya li ber Navenda Giştî ya HDP’ê didomîne, li ber avahiya partiyê êşkence li parêzer Yunus Emre Şahan kir. Bi gumana ku travmaya mejî pêre çêbûye parêzer sewqî nexweşxaneyê hat kirin.
Ketin û derketina Navenda Giştî ya Partiya Demokratîk a Gelan (HDP), ji aliyê polîsan ve hat asteng kirin. Polîsan êrîşî parêzerên ku dixwestin bên navenda giştî ya Partiyê kirin û êşkence li parêzer Yunus Emre Şahan û belavkarê Rojnemeya Jiyana Nû Mehmet Saît Sirdaş kirin, piştre destên wan ji piştve kelepçe û destgîr kirin.
PARÊZER BI TRAVMAYA MEJÎ HAT SEWQKIRIN
Di rapora ku Nexweşxaneya Pîşeyî û Nexweşiyên Hawîrdorî ya Gazî Mustafa Kemal dayî Şahan de ev tişt hatin diyarkirin: “Ser zivirîn û li ser hestiyê zîgomatîk yê rastê hîperîma 3*5 cm û cih cih abrazyon heye, li herêma lombera çepê 10*10 cm şopên ekskorîasyona lîner a paralel û dora wê hîperîm hene. Di herêma rex heman herêmê de abrazyona 5*5 cm û li skapûla rastê jî hîperîma 4*4 cm heye. Di destên wî de piştî kelepçeyê bêhis bûn heye, di aliyê travmaya mejî û travmaya maksîllofsiyal ve divê ji aliyê cerahê neorolog ve were nirxandin.”
Hat zanîn ku ji destgîrtiyan 2 kes hatin berdan û hîna kar û barên destgîriyê yên 7 kesan jî didome.
Dorpêça polîsan berdewam e
