Li Zanîngeha Enqereyê xwendekar bi lêdanê hatin destgîrkirin
Li Zanîngeha Enqereyê, komek ji xwendekaran xwestin forûmê li dar bixin, lê belê bi lêdanê ji aliyê polîsan ve hatin destgîrkirin.
Xwendekaran xwestin li kantîna Fakulteya Zanistên Siyasî ya Zanîngeh Enqereyê li ser xizanî û krîza aboriyê forûmekê pêk bînin.
Lê belê polîsan dor li xwendekaran girtin û êriş birin ser wan. Polîsên Tirk îdîa kirin ku forûm 'çalakiyeke neqanûnî ye'.
Gelek xwendekar bi lêdanê hatin destgîkirin. Li ser nav û hejmara xwendekarên hatin destgîrkirin agahî bi dest neketin.
