Bi banga Federasyona Karkeran a Ontarîoyê, endamên gelek sendîkayên Kanadayî, kedkarên tenduristiyê, aktîvîstên avhewayê, xwendekar, komele û Kurd li bajarê Toronto yê Kanadayê di 1'ê Gulanê de li hev civiyan.

Kurdistanî jî bi banga Meclîsa Kurd a Demokratîk a Torontoyê tevlî çalakiyê bûn û êrişên dagirkeriyê yên dewleta Tirk şermezar kirin.

Kurdistaniyan bi afîş û dirûşman bal kişandin ser êrişên dagirkeriyê yên li ser Kurdistanê û komkujiyên bi çekên kîmyewî ji aliyê dewleta Tirk ve têne kirin. Çalakiya Kurdan bala Kanadayiyan kişand. Her wiha li ser mijarê bi hezaran belavok hatin belavkirin.