Li Tirkiyeyê rêjeya bêkariyê, di meha Nîsanê de li gorî heman meha sala borî ji sedî 0,3 zêde bû û derket ji 9,3. Bi vî awayî  216 hezar kesên din ên bêkar zêde bûn û gihişt 2 milyon 641 hezar kesî.

Îstatîstîkên Kar ên Ferdên Malan a Saziya Îstatîstîkên Tirkiye (TUÎK) a “Encamên Nîsana 2013’an” hat aşkerekirin. Li gorî wê, rêjeya bêkariyê, di meha Nîsanê de li gorî heman meha sala borî 0,3 zêde bû û derket ji sedî 9,3. Di Nîsana sala borî de hejmara bêkaran ku 2 milyon 425 hezar bûn, di Nîsana îsal de 216 hezar zêde bûne û bûne 2 milyon 641 hezar.

Bêkariya ji derveyî karê çandiniyê jî ji sedî 0,4 ku zêde bû, gihişt ji sedî 11,5.

Rêjeya bêkarên temenê wan 15-24 jî ji sêdî 0,8 zêde bû gihişt ji sedî 17,5.

Di heman demê de yên kar ji wan re hatiye dîtin li gorî sala borî 1,2 zêde bûne û gihiştiye ji sedî 46,4.