Xwendekarên Zanîngeha Mêrsînê bi armanca piştevaniya bi çalakiya birçîbûnê li kampusa zanîngehê meşek li darxistin.

Bi sedan xwendekarên zanîngeha Mêrsînê ji bo balê bikişînin û piştgiriyê bidin çalakiya birçîbûnê ji Fakulteya Fen Edebiyatê heya Zanînên Teknîkî meşiyan. Xwendekarên ku bi pankart û dowîzên “Berxwedana li zindanan rûmete me ye”, “Bijî Berxwedana zindanan”, “Em mirinê na çareseriyê dixwazin” hatin hilgirtin û bê navber bi sloganên “Bijî Serok Apo”, “Ji tecrîdê re na” û “Bedenên di helin rûmeta me ne” meşiyan.

Xwendekarên ku piştî meşê çalakiya rûniştinê li ser rêya sereke ya zanîngehê pêkanîn û qasî 20 deqîqeyan dom kir, çalakiya xwe bi daxuyaniya çapemeniyê ya li Qada Cûmhûriyetê bidawî kirin.

Li ser navê xwendekaran Kemal Dere daxuyanî da û da diyarkklirin ku, rayedarên dewletê li hemberî vê çalakiya birçîbûnê ya dîrokî bêdeng dimînin, pêwîste her kesê ku ji xwe re dibêje mirovim bibe hevparê qêrîna li zindanan. Dere got; “Niha li zindanan bi sedan mirovan bedena xwe dane ber mirinê. Pêwîste ev pirsgirêka ku bûye girêkor were çareser kirin. Ji ber vê çendê pêwîste rêyên diyalogê werin vekirin û pêngavên pratîk werin avêtin.”