Li bajarê Swêd Goteborgê, roja 2’yê cotmehê dê konferansek li ser pirsgirêkaKurd li Tirkiyeyê bê lidarxistin. Di konferansê de dê siyasetmedar û rewşenbîrên Kurd, Tirk, Swêdî û Norwecî li hev bicivin û pêşketinên dawî yên li Bakûrê Kurdistanê û Tirkiyeyê gotûbêj bikin. Her wiha mijara sereke ya konferansê jî pêşniyarên ji bo çareseriya pirsgirêka Kurd e.

Dê ji BDP’ê Parlementera Amedê Emîne Ayna, ji Zanîngeha Bogazîçî Prof. Dr. Ahmet Aliş, Rojnamevan Yildirim Turker, ji Swêdê Berdevkê Têkiliyên Derve yê Partiya Çepgir Parlementer Hans Linde, Parlementerê Partiya Keskan a Hawirdorê û Endamê Komîsyona Peywendiyên Derve ya Parlementoya Swêdê Valter Mutt, Rojnamevan-Nivîskar Mustafa Can û ji Înîsiyatîfa Navneteweyî ya ji Ocalan re Azadî, ji Kurdistanê re Aşitî Reimer Heiderdê weke axaftvan beşdarî konferansa “Li Tirkiyeyê Pirsgirêka Kurd” a ji aliyê Tevna Lêgerîna Alternatîf (Network for an Alternative Quest) ve tê lidarxstin bibe.

Ji Zanîngeha Bergen Prof. Dr. Kariane Westrheim moderatoriya konferansê bike û dê profesorê navdar û naskirî yê Îtalî Antonio Negrî bi peyameke bi dîmen tevil bibe.

Konferans dê 2’yê mijdarê roja înê, saet di 10.00 de li Zanîngeha Goteborgê dest pê bike. Axaftinên ku dê bên kirin dê wergerînin zimanên Swêdî, Înglîzî û Tirkî.