Kurdên li bajarê Franse Toulouseyê dijîn meclîsa xwe ya gel ava kirin. Alî Ataç bû serokê meclîsa ku ji komîsyonên cûda pêk tê.

Roja şemiyê, li salonek a navenda bajêr Kurdan kogreya xwe pêk anîn û meclîsa xwe ava kirin.

Kurdan di civînê de bal kişandin ser greva birçîbûnê û pêşketinên li Rojhilata Navîn û ji bo grevên birçîbûnê banga piştgiriyê hate kirin.

Piştre hilbijartin pêk hatin û ji komîsyonên meclîsê 30 kes hatin hilbijartin. Komsîyonên meclîsê:aşitî û lihevanîn, civakî, rêxistinî,çand, dîplomasî, jin, ciwan, bawerî û edalet.