Greva birçîbûnê ya 10 hezar girityên siyasî yên Kurd ket roja 58’emîn. Serokkomarê Tirk Abdullah Gul daxwazên girtiyan ji nedîtî ve hat û banga “destjêberdanê” kir.

Serokomarê Tirk Abdullah Gul di serdana xwe ya li bajarê Çankiriyê bersiv da pirsên rojnamevanan û ji bo greva birçîbûnê ya 58 roj in berdewam dike got ‘rêbaza çewt a têkoşînê” û bang li girtiyan kir ku dawî li çalakiya xwe bînin.

Gul, der barê êrîşa hewayi ya artêşa Tirk a li ser Başûrê Kurdistnaê pêk hat jî û îdîa kir ku PKK ji valehiya serweriya welatên cîran sûd werdigire.

Roja sêşemê balefirên şer ên artêşa Tirk Başûrê Kurdistanê bombebaran kirin û di encamê de 2 sivîl jiyana xwe ji dest dan û 3 jî birîndar bûn.