Di 3'ê Hezîranê de polisan li taxa Şîrînevler a navçeya Bahçelîevler a Stenbolê bi ser Komeleya Şopandina Koçberiyê (GOZÎZDER) de girtibû û hevserokên komeleyê jî di nav de bi giştî 22 endam û rêveberên wê destgîr kiribûn. GOÇÎZDER'ê li avahiya xwe derbarê mijarê de civîneke çapemeniyê li dar xist. Di civînê de pankarta "Em polîtîkayên tepisandin û zextê qebûl nakin. Bila hevalên me yên destgîrkirî bên berdan" hat vekirin. Serokê Platforma Komeleyên Rojhilat û Başûrê Rojhilat Hakîm Daş û Serokê Komeleya Lêkolînên Kurdî Eyup Sûbaşi, Seroka Şaxa Komeleya Mafê Mirovan (ÎHD) a Stenbol Gulseren Yolerî û nûnerên Partiya Ji Nû ve Avakirina Sosyalîst (SYKP) tevlê civînê bûn.

Di daxuyaniyê de destpêkê li ser navê komeleyê Şîlan Bîngol axivî û qala xebat û armananca komeleyê kir û destnîşan kir ku tişta ku li dijî endamê wan hatiye sûcê nefretê ye û tu eleqeya xwe bi hiqûqê re tuneye û wiha got: "Di hêla emr û tenduristiyê de endamên me yên ku hatine destgîrkirin şertên wan ji bo destgîrkirinê ne guncav in. Dirêjkirina dema destgîrkirinê jî kêfî ye. Mafê tendursitî û mesûmetiyetê hatiye binpêkirin. Rexmî ku biryara nepeniyê heye jî çapameniya nêzî desthilatê komeleya me krîmînalîze dike û dixwaze operasyona ne hiqûqî rewa bike."

Bîngol, xwest ku endamên wan hatine destgîrkirin bên berdan.

Parêzerê komeleyê Ahmet Baran Çelîk jî di civînê de mafê axaftinê girtin û ev tişt got: "22 kesên ku di bin banê komeleyê de dixebitin hatine destgîrkirin û piştî destgîrkirina 4 rojan dema destgîrkirina wan derketiye 8 rojan. Rexmî ku biryara nepeniyê li ser dosyayan heye û hê îfadeyê hevalên me nehatiye girtin ji aliyê çapameniyê ve hedef tên nîşandan. Ev sûc e. Em ê giliya vê bikin. Agahiyên ku bi me re nayên parvekirin bi çapameniyê re tên parvekirin. Niha 8 muwekîlên me derman bi kar tînin. Di nav kesên destgîrkirî de hevalên me yên 80 salî jî hene."

Seroka Şaxa ÎHD'ê ya Stenbolê Gulseren Yolerî jî axivî û destnîşan kir ku qada sivîl

tê terorîzekirin.

WAN

Li Wanê jî bi Komeleya Lêkolînên Koçê ya Serhedê (Serhat GOÇ-DER) re 15 rêxistinên sivîl ên li bajar û partiyên siyasî daxuyaniyeke nivîskî dan û destgîrkirina endamên GOÇÎZDER'ê şermezar kirin û xwestin ku endamên komeleyê yên hatine destgîrkirin bên berdan.