Fezlekeyên li Wezareta Edaletê û Meclîsê bûn, çend roj berê ji dozgeriyan re hatibûn şandin. Ji van fezlekeyan, 8 fezlekeyên têkildarî 6 parlamenteran hatin amadekirin, ku Hevserokên HDP'ê Selahattîn Demîrtaş û Fîgen Yuksekdag jî di nav de hene, gihîştin ber destê Serdozgeriya Komarê ya Edeneyê.

Wezareta Edaletê da xuyakirin, fezlekeyên têkildarî Demîrtaş, Yuksekdag û parlamenterên CHP'ê Mûharrem Înce û Elî Dogan, parlamenterê MHP'ê Yûsûf Halaçoglû û 3 fezlekeyên li hemberî Parlamentera HDP'ê Meral Daniş Beştaş hatin amadekirin, ji dozgeriyê re hatine şandin.

Di van fezlekeyên gihaştine ber destê Serdozgeriyê de Demîrtaş bi 'propaganda rêxistina terorê', Yuksekdag bi 'biçûkxisitna organ û hemû saziyên dewletê, dewleta Komara Tirkiyeyê û miletê Tirk', Înce bi 'heqaretê' û Halaçoglû bi 'di medya deng, nivîskî û dîtbarî de peyama heqaretê weşandiye' tên sûcdarkirin.