Ji bo piştgîriya greva birçîbûna ya girtiyên siyasî yên Kurd, Kurdên li Osloya pateyxta Norwecê jî 3 rojan dikevin gireva bircîbunê. Her wiha siyasetmedarê eslê xwe Pakistan Akhtar Chuadry ku endamê Partiya Sosiyalîstên Çep (SV) û Cîgirê Serokê Meclisê ye beşdarî çalakiya kurdan bû û piştgîriya xwe anî ziman

Kurdên Norwecê bi vê armancê roja çarşem, 7’ê mijdar demjimêr 12:00 bi vedana kon li ber avahiya Parlementoya Fînlandiya ya li bajarê Oslo dest bi gireva birçîbûnê kirin û vê heya 3 rojan bidome.

Di roja despêka çalakiye de gelek destek û peyamên piştgirîye li gelek aliyan ve hatin. Gelek nunerên Parlementoyê serdana konê çalakiyê kirin û daxuyanî û piştgiriya xwe anîn ziman.

Yek ji wan siyasetmedarê eslê xwe Pakistan Akhtar Chuadry ku endamê Partiya Sosiyalîstên Çep (SV) û Cîgirê Serokê Meclisê ye beşdarî çalakiya kurdan bû û piştgîriya xwe anî ziman û got ku "hemû girtiyên siyasî dviê serbest bêne berdan û zimanê kurdî jî gereke di fermiyetê de bê qebulkirin. Hemû mercên girtiyan bi cih bên".

Her wiha dostên kurd nunerê Perlementoyê û endamê Partiya Karker (AP) Gorm Kjernli jî beşdarî çalakiya kurdan bû û xwest ku xwestekên girtiyên di girevê de ne bêne qebulkirin û hukumeta tirk divê bikve nava hewildanên çareseriyê.

Greva birçîbûnê her roj demjimêr 12 heta 16 li konê ber derê Parlemetoyê dê pêk bê û piştî demjimêr 16:00 an jî, dê li Komeleya Çanda Kurdistanê ya Osloyê berdewam bike. Kurdistanî dê li ber derê parlementoyê îmze kom bikin û belavoka belav bikin. Roja înê jî 09.11.2012, demjimêr 14:00 wê meşek girseyî ku ji aliyê gelek rêxistin û saziyên Kurdistanî û Norwecî ve tê organîzekirin dê bê li darxistin.

Meş dê li navenda oslo li Jernbanetorget ( trafikanten) dest pê bike û heya ber Parlementoyê bidome. Li wir jî civîneke gîrseyî tê lidarxistin û demjimêr 16:00 dawî li çalakiyên 3 roja tînin