Li Ewropayê  çalakiyên nobetê ya ji Rêberê Gelê Kurd Abdullah Ocalan re azadî, dewam dikin.

DÛÎSBÛRG

Çalakiya kondanînê ya li bajarê Dûîsbûrg ê Elmanyayê di roja 2. de dewam dike.

Endamê CÎK’ê Mele Salih ê ku çalakvanên kon ziyaret kir, da zanîn ku ji bo piştgiriyê li vir amade bûne.

Çalakiya kon a ku bi hevkariya Navenda Civaka Demokratîk a Dûîsbûrg û endamên komîsyona jinan a Dûîsbûrg û Ciwanên Azad ên Dûsîbûrgê tê lidarxistin, li gel helbest, gûftûgo û dirûşmeyan dewam dike.

Hevserokê NCKDD’ê Mûnsûr Arslan, bang li Kurdistanî û dostên wan ên li Dûîsbûrgê dijîn kir ku piştgiriyê xurt bikin. Arslan her wiha banga beşdariyê li meşa ku wê roja Înê di saet 18:00’an de bê lidarxistin jî kir.

Çalakiya kon wê sibehê ji saet 14:00’an heta 18:00’an dewam bike.

BERN

Li paytexta Swîsre Bernê jî bi sirûda “Ji Ocalan re azadî, ji Kurdistanê re statu” stand hate danîn. Çalakî ji aliyê Navenda Civak Kurd a Demokratîk a Bernê ve hate lidarxistin. Çalakî di saet 14:00’an de li pêşiya gara trenê destpê kir.

Di çalakiyê de ku bi dehan Kurdistanî beşdar bûn, Hevseroka Dem-Kurd a Bernê Sevgî Tozlûkaya daxuyaniyek da û tecrîda li ser Rêberê Gelê Kurd Abdullah Ocalan şermezar kir. Tozlûkaya li hember tecrîdê banga hestyariyê jî  kir. Piştî daxuyaniya Tozlûkaya, daxuyanî bi zimanê Kurdî û Elmanî hatin dayin.

Hat diyarkirin ku wê stand heta saet 18:00’an vekirî be, wê sibehê di saet 15:00’an de li Gazînoplaz Bîel a Bern, Neûchahtel, Lozan, Cinêw, Freîbûrg bi beşdariya girseyî ji bo piştgiriya bi siyasetmedarên Kurd ên li Elmanyayê hatin girtin û protestokirina nêzîkatiyên Elmanyayê mîtîng bê lidarxistin.