Di çarçoveya lêpirsîna Serdozgeriya Komarê ya Amedê de, di 8’e Hezîrana 2022’yan de polîsan bi ser malan de girt û 20 jê rojnamevan bi giştî 22 kes destgîr kiribû. Rojnamevan, 8 rojan di nezaretê de mabûn û di 16’ê Hezîranê de sewqî edliyeyê hatibûn kirin. Midûra Karên Nivîsan a JINNEWS’ê Safiye Alagaş, Hevserokê Komeleya Rojnamegeran a Dîcle Firatê (DFG) Serdar Altan, edîtorê Ajansa Mezopotamyayê (MA) Azîz Oruç, Midûrê Karên Nivîsan ê Rojnameya Xwebûnê Mehmet Alî Ertaş û Zeynel Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remziye Temel, Ramazan Gecîken, Lezgîn Akdenîz û Mehmet Şahîn bi îdiaya “Endamtiya rêxistinê” hatin girtin. Rojnamevan Gulşen Koçuk, Esmer Tunç, Mehmet Yalçin û Kadîr Bayram û Feynaz Koçuk û Îhsan Ergulen jî bi şertê kontrola edlî hatin berdan. 

Serdozgeriya Komarê ya Amedê ber bi dawiya meha berê de lêpirsîna xwe temam kir û îdianameya xwe ji 4’emîn Dadgeha Cezayên Giran a Amedê re şand. Dadgehê, îdianameya derheqê rojnamevanan de qebûl kir.