Bi qasî 10 hezar ciwanên Kurd ên ji welatên Ewropayê bi taybetî ji Elmanyayê herikîn bajarê Dusseldorfê, ji bo azadiya fîzîkî ya Rêberê Gelê Kurd Abdullah Ocalan dimeşin.

Ocalan alên PKK, KCK, YPG, Komalên Ciwan, wêneyên Rêberê Gelê Kurd Abdullah Ocalan, Mazlûm Dogan û Che Gûevara hildan. Ciwanên Kurdistanî li ber stasyona trenê li hev civiyan û dest bi meşê kirin.

Meş bi pêşengiya Ciwanên Azad tê lidarxistin û tevgerên çep ên Elman û Tirkiyeyî jî destekê didin.

Di meşê de qedexeya li ser PKK'ê ya li Elmanyayê, û zextên dewleta Elman ên li ser siyasetmedarên Kurd tên şermezarkirin. Çalakî wê bi mîtîngeke girseyî ya li ber Parlamenta Eyaletê ya li NRW dewam bike.