Navenda Ragihandina Yekîneyên Parastina Gel (YPG) bi daxuyaniyeke nivîskî nasnameyên têkoşer Yasir Misaawî (Kurtay Hesekê) û Selman Hemîd (Rodî) ku di berxwedana gundê Maliha de jiyana xwe ji dest dabûn ragihand.

Daxuyaniya YPG’ê wiha ye:

“Jiyana watedar bi têkoşînê tê bidestxistin. Li welatê me bi salên dirêj e ji bo jiyana watedar û azad tevgera azadîxwaz têdikoşe û bedelên giran dide. Li Rojavayê Kurdistanê jî ciwanên Kurd û Ereb bi şopdariya xwe ji wê dozê, xwe nas dikin, ji bo nasname û hebûna xwe şer dikin û li beramberê êrîşan li ber xwe didin.

Ji van ciwanên azad rêheval Kurtay Hesekê û Rodî ne, ku di 8 û 9’ê Mijdarê de şehîd bûne. Her du şehîdên ciwan ji bajarên Hesekê û Şedadê yên Kantona Cizîrê beşdarê Yekîneyên Parastina Gel (YPG) bûn û perwerdeyên xwe yên bingehîn jî li wir dîtin. Çeteyên DAIŞ’ê ji bo ku fişara di encama Pêngava Rizgarkirina Reqayê (Xezeba Firatê) li ser wan ferz bûye rakin, bi hemû cûre çekên giran erîşê bejahiya başûrê bajarê Şedadê kirin.

Lê belê êrîşên wan careke din rastî bersiv û berxwedaniya şervanên Kurd û Ereb yên YPG hat. Di şer de hevalên me Kurtay û Rodî bi lehengî şer kirin û şehîd bûn.

Weke YPG em bejna xwe li ber hemû şehîdên şoreşê ditewînin û soz didin ku em ê her tim ji bo jiyaneke azad têbikoşin. Wê têkoşîna şehîdan rêya me ronî bike.”

Nasnameya şervanan wiha ye:

Nav û Paşnav: Kurtay Hesekê

Navê Rast: Yasir Misaawî

Navê Dayikê: Ezîza

Navê Bav: Ehmed

Cihê Jidayikbûnê: Hesekê

Cih û Dîroka Şehadetê: 09-11-2016 / Şedadê, Gundê Malha

****

Nav û Paşnav: Rodî

Navê Rast: Selman Hemîd

Navê Dayikê: Fatima

Navê Bav: Yasîn

Cihê Jidayikbûnê: Şedadê

Cih û Dîroka Şehadetê: 08-11-2016 / Şedadê, Gundê Malha