Terora dewleta Tirk a li Kurdistanê dimeşîne, wê li bajarê Hollanda Venloyê bê şermezarkirin.

Li bajarê Hollanda Venloyê wê komkujiyên ji aliyê hêzên dewleta Tirk ve tên kirin, bên protestokirin. Bi vê armancê wê îro saet di 17:30 de li Meydana Stasyonê çalakiyeke girseyî bê lidarxistin.

Di daxuyaniya amadekarên çalakiyê de hat gotin, "Em bang li gelê xwe dikin, ku beşdarî vê mîtîngê bibe. Ji bo sekinandina mirina zarokan û hemû mirovên me yên li Kurdistanê, her kes vexwendiyê vê çalakiyê ne. Rengê xwe, nîjad û baweriya xwe çi dibe bila bibe, ji bo vemirandina vî agirî, tu jî dilopekê lê bike."