Topbarana navçeya dîrokî ya Sûrê ya bi tankên bi palet a leşkerên ku wek teqwiyeya tîmên taybet hatine navçeya Sûrê ya Amedê, bi kamerayan hat kişandin. 

Yekîneyên wek teqwiyeya tîmên taybet ên ku li navçeya dîrokî ya Sûrê ya Amedê li dîwarê berxwedanê ketin, hatin jî ji ber nikarin bikevin navçeyê, vê carê tank xistin meriyetê. Tankên bi palet ên leşkerên ku wek teqwiyaya tîmên taybet ên ku bi rojan e bi çekên giran avahiyên dîrokî, mal û kargehan xera dikin, li dijî navçeya ku her cihê wê tijî wargehên dîrokî ne û di lîsteya UNESCO ya “Mîrateya Çanda Cîhanê” de ye, dest bi êrîşan kirin.

Topbarana tankên leşkerî yên li Sûrê hatine bicihkirin, ji aliyê kamerayan hate kişandin.

Di dîmenan de, tanka li kolanek nêzî Mizgefta Husrev Paşa hatiye bicihkirin, cihê di menzîlê de topbaran dike.