Navenda Çapemenî û Ragihandinê ya HPG’ê têkîldarî tevgera hewayî û êrîşên artêşa Tirk daxuyaniyek nivîskî weşand.

HPG’ê destnîşan kir ku li hember herêmên gerîla êrîşên obus, tank û hawanan didomin, wiha berdewam kir: “22’ê Kanûnê saet 05.00-06.00’an û 12.00-16.00’an qereqola Tepê Sor a li xeta sînorê herêma Metîna ya Herêmên Parastinê yên Medyayê; qadên Tepê Hakkarî û Tepê Şehîd Şoreş bi obus, hawan û tankan bomberdûman kir.

22’ê Kanûnê saet 14.00-14.30’an qereqola Serê Sevê ya li xeta sînorê herêma Zapê; bejahiya gundê Zevê da ber obusan.”
HPG’ê di daxuyaniyê de wiha domand: “22’ê Kanûnê saet 16.00-19.00’an li ser herêma Metîna, 23’ê Kanûnê (îro) saet 10.00’an li ser herêma Zapê pêgerên hewayî yên keşfê geriyan. Her wiha, 22’ê Kanûnê saet 14.00-15.00’an li ser herêma Zapê tevgera balafirên şer çêbû.”