Li dijî terora dewleta Tirk, gelê Sûrê ev 24 roj in bênavber li ber xwe dide. Ji duh bi şev û pê ve şer bi taybetî  li taxên Hasirli û Kûrşûnlû û derdora Bazaran Yogûtçû, giran bû. Li gorî agahiyên hatin bidestxistin, navçe bênavber ji aliyê tankan ve tê bombekirin.

Ji ber bomberdûmanê gelek mal hilweşiyan û navçe veguheriye xirbeyekî. Di nava cihên ji aliyê tankên dewletê ve hatine bomekirin de îbadetxane jî hene. Mizgefta Hecî Hemîd a li nêzî Minareya Çarling jî bû hedefa bombeyên dewletê. Minareya mizgeftê jî ji ber gulebaranê qulqulî bûye.

Tevî êrîşên û bomberdûmana giran, dewleta Tirk nikare berxwedana Kurdistaniyan bişikîne.