Li Rojavayê Kurdistanê, nobeda li ser sînor a li gundê  En Dîwêr a li qiraxa Çemê Dîcleyê ji bo destekkirina berxwedana Bakurê Kurdistanê hat destpêkirin, di roja 6. de dewam dike.

Bi sedan kes îro li Meydana Azadiyê ya Dêrikê li hev civiyan û bi konvoyê berê xwe da gundê En Dîwêr ê li ser sînorê Rojava û Bakurê Kurdistanê ye.

Girseya gel li vê derê alên ji nîşaneya Kurdistanê vekir û berxwedana Bakurê Kurdistanê silav kir.

Leşkerên Tirk îro jî ji bo çavtirsandinê gule berdan hewayê. Tevî vê yekê jî, çalakiya li ser sînor bi qîrîna dirûşmên li dijî hovîtiya dewleta Tirk, dewam dike.