Nobeda berxwedanê ya Meşvanên Botanê, ku li dijî êrîşên dewleta Tirk ên li hemberî Cizîrê hatiye destpêkirin, dewam dike. Ji gelek bajarên Kurdistan û Tirkiyeyê mirov tên beşdarî çalakiyê dibin. Duh Dayikên Şemiyê, malbatên Gezî û Pirsûsê û hunermend Pinar Aydinlar beşdar bûbûn. Çalakî wê heta rakirina dorpêçiya li ser Botanê bidome. Îro jî ji Amed, Îzmîr û Edeneyê komên nû beşdarî nobedê bûn. Berxwedêran duh bi şev li dora agir agir dadan û heta danê sibehê rewş nirxandin.

Di dema nobeda berxwedanê de dokûmantera li ser çîroka jiyana Sakîne Cansiz hat nîşandan. Çalakger kêlî bi kêlî rewşa birîndarên ev 8 roj in li jêrzemîna avahiyeke Cizîrê asê mane, dişopîne.