Desteya Rêveber a Konseya Neteweyî ya Bethnahrîn (MUB), îlana Hêzên Parastina Jinên Bethnahrînê pîroz kir

MUB’ê di daxuyaniya xwe ya nivîskî de xîtabî Hêzên Parastina Jinan kir û wiha got: “Vîna we bi qasî ku moralek mezin da me û gelê me, berpirsiyarî jî daye ser milê her kesî. Ji ber ku di nav wî şerî de ev berpirsiyartiya we girtî ewqasî mezin û pîroz e ku bawer bikin her kes wê li hember vê seknê bandor bibe. Ev biryara we standiye li hember kujer û dagirkeran raperineke. Berxwedaneke pîroz û mirovî ye. Wê gelê me û mirovatî vê peyama we rast bixwîne û bersiveke rast jî bidinê. Di rewşa şer a Sûrî de  wekî hêzek rêxistinî tevlîbûna şerê berxwedanê wê hêzê bide MFS’ê, Sutoro’yê, YPG’ê,YPJ’ê û hemû şervanên azadiyê. Hewldanên we, keda hûn didin, fedakariyên ji bo zehmetiyên didin ber çavên xwe wê ti carî vala neçe, bi çalakî û pratîkên xwe hûn ê dîrokê binivîsînin.”