Cenazeyê Mehmet Tekîn ê (38) yê li Cîzîrê ji aliyê polîsên Tirk ve hat qetilkirin, ji ber sedema dorpêça li ser welatê wî Cîzîr, li Şirnex hat defnkirin.

Li Cîzîrê terora dewleta Tirk di roja 10. de berdewam dike. Mehmet Tekîn (38) ê ji aliyê polîsên tevgera tayabet ve li pêşiya mala xwe hat qetilkirin, piştî karûbarê otopsiyê ya li Nexweşxaneya Dewletê ya Şirnexê, radestî malbatê hat kirin. Cenazeyê Tekîn ji ber sedema dorpêç û terora dewleta Tirk a li ser Cîzîrê, li goristana Nalarû ya li Taxa Bahçelîevler a Şirnexê hat defnkirin. Di merasîma cenazeyê Tekîn de Parlamentera HDP’ê ya Şirnexê Leyla Bîrlîk, rêveberên MEYADER, DBP, HDP û girseyek mezin jî cihê xwe girtin.