Li Nisêbînê zarokek ji ber parvekirinê xwe yên li ser Facebookê hate girtin
Li navçeya Nisêbîn a Mêrdînê zarokekî 15 salî ji ber parvekirinên xwe yên li ser Facebookê hate girtin.
Li navçeya Nisêbînê ya Mêrdînê zarokê 15 salî Şeyhmûs Salhan di têketina Nisêbînê de ji aliyê polîsan ve hat binçavkirin. Dozgeriya Nisêbînê ji ber parvekirinên li ser tora civakî ya Facebookê bi daxwaza girtinê Salhan ê 15 salî sewqî dadgehê kir. Dadgehê jî bi heman hinceta biryara girtina Salhan da.
Hate hînbûn ku Salhan birine Girtîgeha Tîpa E ya Mêrdînê.
