Hêzên dewleta Tirk bi tundî êrîşî 4 taxên Nisêbînê dikin. Danê vê sibehê jî li herêmê teqîneke dijwar pêk hat.

Piştî ku cara 6. "qedexeya derketina derve" li Nisêbînê hat ragihandin, şêniyên taxên Firat, Abdulkadîrpaşa, Yenîşehîr û Dîcleyê li dijî êrîşên çekdarên dewletê dest bi berxwedanê kir.

Êrîşên hêzên dewletê, bi ragihandina qedexeyê re destpê kir û tevahiya şevê dewam kir. Ji maşînên zirxî yên li Kolana Çaxçax, qada Newrozê, nexweşxaneya berê û Rêya Îpekê bi cih bûn, gule li taxan hatin reşandin. Gel jî dest bi parastina xwe kir.

Danê sibehê li kolana Çaxçaxê teqîneke dijwar rû da. Piştî teqînê polîsan gule li taxan reşandin.