Li taxên Nisêbînê ku rêveberiya awarte di meriyetê de ye, wek karê yekemîn polîsan bi gulereşandina li trafoyan ve elektrîk qut kirin.

Li navçeya Nisêbîn a Mêrdînê piştî saet 16.00'an qedexeya kolanan destpê kir, êrîş zêde bûn. Hêzên dewletê yên elektrîka taxên Abdulkadîrpaşa, Yenîşehîr, Firat û Dîcleyê birîn, bi çekên A4, bombeavêj û çekên otomatîk gel gulebaran dikin. Şêniyên taxê jî li hember van êrîşana berxwedana xwe mezin dikin.

BI DIRÛŞMAN BERSIV TÊ DAYIN

Li 4 taxên di bin êrîşan de ne, gel bi dirûşmên, "Bijî berxwedana Nisêbînê", "Kurdistan goristan ji bo faşîstan" û "Bi berxwedanê em ê bi ser kevin" bersivê didin êrîşan. Hemwelatî li hewşên xwe û kolanan jî bi lêdana beroşan û tepsiyan deng derdixin û berxwedana xwe mezin dikin. Ji taxan dengê zêde yê teqîn û çekan tê.