Li navçeya Dêrîkê ya Mêrdînê di 21'ê kanunê de tîmên taybet bi ser malan de girt û welatiyên bi navê Mehmet Ektîren, Şervan Kabak, Mehmet Denk, Ridvan Dîp û hevjîna wî Şukriye Dîp binçavkiribûn. Ridvan Dîp û hevjîna wî Şukriye Dîp piştî îfadeyên li Midûriyeta Polîsan serbest hatin berdan û Mehmet Ektîren, Şervan Kabak û Mehmet Denk jî piştî îfadeyên li Midûriyeta Polîsan sewqî edliyeyê hatin kirin. Piştî îfadeyên li dozgeriyê bi daxwaza girtinê sewqî Dadgeha Sulh Ceza ya Dêrîkê hatin kirin. Kabak, Ektîren û Denk bi îdîaya "Endamên rêxistinê ne" hatin girtin.