Li bajarê Înnsbruck ê eyaleta Tîrol a Awûstûryayê, ji bo azadiya Rêberê Gelê Kurd Abdullah Ocalan, standa agahdarkirinê hat vekirin.

Çalakî ji aliyê Navenda Civaka Demokratîk a Kurd li Înnsbruckê ve hat organîzekirin. Li standê, der barê mirovên di "qedexeya derketina derve" ya li Kurdistanê de jiyana xwe ji dest dan, tecrîda li ser Rêberê Gelê Kurd Abdullah Ocalan de agahî hatin dayîn û ji bo azadiya Ocalan belavok hatin belavkirin.

Çalakgeran her wiha pankarta bi nivîsa "Ji Ocalan re Azadî ji Kurdistanê re Statu" ya bi zimanê Elmanî vekirin. Çalakiya ku berêvarê saet di 16:00 de li ber peykerê Annasaule destpê kir, bi qasî saetekê dewam kir.