Li bajarên Hollanda Den Haag, Amsterdam û Rotterdamê, li dijî tecrîda li ser Rêberê Gelê Kurd Abdullah Ocalan, konên agahdarkirina raya giştî hatin vedan.

Di çalakiyên li ber Şaredariyên Den Haag û Rotterdamê û li meydana Amsterdam Dam Pleînê de, daxwaza 'Ji Ocalan re azadî, ji Kurdistanê re statu' hat bilêvkirin.

Di çalakiyê de belavok hatin belavkirin û bang hat kirin ku tavilê terora dewletê ya li hemberî gelê Kurd bê bidawîkirin. Çalakgeran bal kişandin ser şerê qirêj ê dewleta Tirk li Kurdistanê dimeşîne û û ji raya giştî re êrîşên qetlîemkar ên hikûmeta AKP'ê vegotin. Çalakgeran xwestin tecrîda li ser Ocalan were rakirin.

CIHÊN ÇALAKIYÊN ÎRO

Navnîşan û saeta çalakiyên îro bi vî rengî ye: "Pêş Şaredariya Den Haagê saet 16:00-18:00, li meydana Rotterdam Beûrspleînê saet 17:00-19:00, meydana Amsterdam Dam Pleîn saet 16:00-18:00."