Koordînasyona HDP’ê ya Başûrê Fransa, bi armanca şermezarkirina êrîşên nîjadperest ên li Tirkiyeyê û ji bo silavkirina berxwedana xwerêveberiya gel banga derketina qadan kirin.

BANGA TEVLÎBÛNÊ

Di daxuyaniya koordînasyonê de wiha hat gotin: "Dewleta AKP’ê ji 7’ê Hezîranê ve bi konsepteke êrîşê ya topyekûn û sîstematîk, li hember tevayî nirx, can û malê gel êrîşeke faşîzan pêk anî. Bila zîhniyeta AKP’ê ya faşîst vê baş zanibe, gelê me û partiya me HDP li ti derê ne bi tenê ye. Ji bo em van êrîşên faşîst protesto bikin û gelê me yê li hember êrîşan li her derê xweparastina xwe pêş dixin silav bikin em bang li gelê xwe yê li Fransaya Başûr dijîn dikin ku tevlî çalakiyên me yên demokratîk bibin.”

CIH Û SAETÊN ÇALAKIYAN

Marsîlya:

Îro, saet 18:30'an ji Qada Canebière ber bi Vieux-portê meş

Bordeaûx:

Roja Înê saet 18.00'an ji Place de la Boûrse li ber sefaretxaneya Tirk meş

Toûloûse:

Roja Înê saet 18.00’an li Place du Capîtole mîtîng

Her wiha, li bajarê Cannes çalakiya rûniştinê ya rojekê tê plankirin, wê li Montpellîer û Lyon jî çalakî pêk bên.

LI BERLÎNÊ MEŞ

Derveyî van çalakiyan, îro saet 18.00’an li paytexta Elmanya Berlînê li Hermannplatzê wê meşek pêk were.