Navenda Çapemeniya YPG’ê da xuyakirin ku 3’ê Sibatê li hember çeteyên DAIŞ’ê yên li başûrrojhilatê Hesekê operasyonek li dar xistiye. YPG’ê wiha ragihand: “Hêzên me yên piştî agahi girtin ku çeteyan amedekariya êrîşê dikin, li gundê Elgana ya başûrrojhilatê Hesekê û derdora vî gundî operasyonek li dar xistin. Hêzên me nuqteyên ku çeteyan xwe bi cih kiribûn bi bandor kirin hedef. Hejmara kuştî û birîndarên çeteyan a di vê operasyonê de nehatiye zelalkirin.

2’ê Sibatê saet 17.00’an hêzên me piştî tevgere çeteyên DAIŞ’ê ya li başûrê Hasekê tespîtkirin li dijî vê qadê xebateke legerîn û kontrolê meşand. Yekîneyekî me ku dema xwest 3 kesên cilên sivîl li xwe kiribûn û tevgere wan bi guman bû bişopînin mayinek çeteyan di wan de hat teqandin. Di encama vê teqînê de şervanekî me gihişt şehadete û şervanekî me yê din jî birîndar bû.”

YPG’ê di dewama daxuyaniyê de wiha got:
“3’ê Sibatê nêzî saet 10.30’an çeteyên DAIŞ’ê bi çekên giran êrîş birin li ser bejahiya başûrê bajaroka Eyn Îsa yê giredayî Kobanê.

3’ê Sibatê hêzên me li ser rêya Cendol a dikeve bakurê Helebê, operasyonek li dar xistin. Hêzên me yên ku çeteyên di nava tevger de bûn kirin hedef, wesayîtek leşkerî ya çeteyan derb kirin. Di vê operasyonê de 2 çete hatin kuştin û çeteyek jî hat birîndarkirin.”